Adrian ÄDU Burkhalter

16.03.1964 – 24.03.2022

We dir a mi dänket, sit nid truurig.

Verzeuet lieber vo mir, tüet ruhig lache

U fröhlech si u nämet öppe Eis uf mi!

Löt mir ä Platz zwüsche Euch, so wie is im Läbe

o ha gha.

Das Biud isch ufem Zäutplatz am eidgenössische Turnfest 2013 in Biel entstange. Es zeigt schön, wie zfride dasses mitem Ädu a serigne Aläss gsi isch. Mir hei viu zämä glachet u mängi schööni Stung verbracht.

Ob ir Männerriege, im Volley-Ball oder a verschidene Events vom Turnverein. Der Ädu isch immer derbi gsi u het mit am Chare gschrisse.

Mit sire fröhleche, ufgsteute Art u sine platzierte Sprüch, het är i mängere Rundi für Lockerheit u Lacher gsorget.

Der Ädu hingerlaht i üsne Reihe e riise grossi Lücke.
Är wird üs sehr fähle u mir wärde no mängisch a ihn dänkä. 

Der ganz Turnverein Stettle wünscht ar Esther u ar Sabine viu Chraft i derä schwirige Zyt.